“Zodiac” de David Fincher conta a historia dun asasino
en serie que actuaba … A película
retrata basicamente a labor de investigación tanto dos xornalistas como dos
policías. David Fincher reflexa bastante ben o traballo nas redaccións dos
xornais e o traballo dos inspectores.
Os protagonistas
deste filme son Mark Ruffalo como inspector de policía, Robert Downey Jr. como
xornalista de investigación e Jake Gyllenhaal que é un ilustrador do xornal que
se inmisce na investigación só por
curiosidade. Ao longo do filme, danse
diferentes situacións nas que os xornalistas entorpecen o traballo policial e
outras nas que estes colaboran descubrindo novos camiños.
A medida que
avanza a película e as pistas se esgotan, xornalistas e inspectores caen na desesperación
e pódese apreciar como os asasinatos empezan a formar parte da súa vida cotiá
obsesionándoos. Robert Dowwney Jr. é o
que sae peor parado chegando a poñer a súa vida en perigo para obter
información e acaba sendo despedido do xornal no que traballaba. No caso do
ilustrador, Jake Gyllenhaal, o misterio do asasino aínda que non chega a
influír na súa vida laboral si cambia a súa vida privada pois pasa a ser unha
das súas prioridades. O policía vese obrigado a deixar o caso e é abandonado
polo seu compañeiro que se muda de comisaría para evitar que o caso perturbe a súa vida.
En resumo, a vida
privada dos protagonistas vese modificada dunha forma ou doutra debido a un
suceso que só debería ser parte da súa vida laboral. A cuestión é ata onde podes ir no exercicio
da túa profesión sen que este trastorne a túa vida privada.
No hay comentarios:
Publicar un comentario