Preguntas temas 5-10

*TEMA 5

María Antonieta de Luances y Marañón, catedrática de dereito, estudosa da lexislación española ao longo da historia poderá facer unha interpretación das normas xurídicas:

a)Doutrinal

b)Xudicial

c)Histórico-social

d)Ningunha das anteriores.

*TEMA 6

Pepiño Blanco, ex concelleiro de obras públicas dun concello lucense recibe 500.000€ dun empresario da construción para obter a contrata da construción das beirarrúas do concello en cuestión. Estes acordos son descubertos e Pepiño ante un tribunal declara que non era consciente de que “un concelleiro non pode percibir diñeiro a cambio de beneficiar a construtores”. Terá beneficio algún durante o proceso?

a)Non, non cabe ampararse na ignorancia para eludir unha sanción.

b)Si, xa que Pepiño carece dun título universitario en Dereito enténdese que non é coñecedor da lei.

c)Queda a criterio do tribunal.

d)Ningunha das anteriores.

*TEMA 7

Bertín, xinete profesional valenciano falece a consecuencia dunha caída nunha exhibición en Sudáfrica . As normas que se aplicarán no referente á sucesión, o patrimonio, etc. logo do seu falecemento serán:

a)As españolas, xa que é cidadán español

b)As surafricanas xa que é onde se produce a súa morte.

c) As da República Democrática do Congo, por atoparse (aproximadamente) a medio camiño.

d)Ningunha das anteriores.

*TEMA 8

A asociación TURURURU, que promove a recuperación do Entroido tradicional en diversos concellos de Galicia ten personalidade:

a)Xurídica.

b)Física

c)Non ten personalidade, é unha institución.

d)Ningunha das anteriores.

*TEMA 9

Miguel Anxo e María Luísa, de 14 e 15 anos de idade respectivamente están moi namorados e queren casar. Logo de solicitalo e estudar o caso obteñen a dispensa do xuíz. Poderían casar?

a)Si, cumpren as condicións establecidas

b)Non, en ningún caso poden casar os menores de idade

c)Si, e mesmo poderían casar sen dispensa algunha, tan só acreditando o seu amor.

d)Ningunha das anteriores.

*TEMA 10

Alejandro, de 39 anos e pai de dous fillos, consome drogas desde a morte da súa esposa 5 anos atrás. Chega un punto en que é declarado incapacitado pola súa drogadición perdendo a custodia dos seus fillos mais, uns anos despois sae da droga e recupera a normalidade. Poderá recuperar a custodia dos seus fillos?

a)Si, se as autoridades competentes o autorizan.

b)Non

c)Deberá chegar a un acordo económico cos titores dos seus fillos

d)Ningunha das anteriores.