Noticia xurídica 1

ADOPTAR ESTÁ DE MODA

Numerosos famosos, entre os que se encontra Melanie Olivares, adoptan pequenos chegados dos países menos favorecidos a pesar do complicado proceso

Paula Quintás López / Boimorto

A actriz Melanie Olivares, de 39 anos de idade, deu a luz recentemente a súa segunda filla, á que puxo o nome de Manuela. Tanto ela como a súa parella, Javier Rojas, móstranse contentos coa pequena. Melanie tiña xa unha filla, Martina, adoptada no ano 2007.

Melanie, coñecida polo papel de Paz en Aída, colabora con Intervida , unha ONG destinada a protexer os dereitos dos máis pequenos, mellorando as condicións de vida da infancia e das súas familias. Estas accións son cada vez máis correntes entre personaxes coñecidos por aparecer a miúdo na prensa rosa. De entre todos, sobresae o caso de Brad Pitt e Angelina Jolie. Esta última leva a cabo numerosas accións humanitarias arredor do globo e ten adoptados tres fillos de diferentes nacionalidades que xurídicamente levan o apelido Jolie-Pitt.

Con estes precedentes e mulleres como a protagonista de Lara Croft de exemplo, non é de extranar que hai cinco anos Melanie se atrevera a adoptar á pequena etíope, que contaba con tan só seis meses. E é que a adopción non é unha fase rápida e sinxela, senón que consta dunha serie de pasos que non todos logran superar.



Os fillos adoptados son, a nivel legal, iguais que os biolóxicos.
Fonte: Patricia F.

Adoptar en países como Etiopía é un complicado proceso no que se requiren unha serie de requisitos que poucos cumplen. Dende ADDIS Galicia infórmase de que os matrimonios adoptantes deben ser heterosexuiais (non se admiten parellas de feito) ou mulleres monoparentais que adoptaran previamente no país africano. En cada Comunidade Autónoma, ademais, establécese o custo da adopción e a idade do rapaz. O número de adopcións na Comunidade galega varía cos anos, pero segundo datos proporcionados por esta ONG, en xaneiro deste ano foron 6 os rapaces acollidos por familias. No mesmo mes de 2010 e 2008, ningún rapaz foi adoptado, mentres que en 2007 a cifra situouse en 14. O número de adopcións non é algo fixo senón que varía cos anos. O feito de que os requisitos sexan tan duros (para favorecer tanto ao rapaz como á familia) fai que o número de adopcións non sexa máis elevado.

Por outra banda, dende a Xunta de Galicia infórmase de que o número de nenos e nenas susceptibles de seren adoptados en países desenvolvidos (como é o caso de España) diminúe progresivamente grazas ao sistema de protección a infancia, á evolución favorable das condicións socio-económicas e ao descenso da taxa de natalidade.

A catedrática de dereito da Universidade de Santiago de Compostela (USC) Mª Paz García Rubio explica que a relación entre adoptados e adoptantes é unha relación de "filiación, son fillos como os que tes de xeito natural, exactamente igual." Así, os deberes para con eles por parte dos pais son os mesmos que se fosen fillos biolóxicos. Mesmo un abandono se trata do mesmo xeito, sendo a adopción irrevogable "a menos que os pais bióloxicos non souberan que se estaba dando en adopción este neno. Así, o xuiz pode dictaminar a extinción da adopción."

Por outra banda, a profesora Rubio aclara que "A adopción, actualmente, é un modo de filiación. Regúlase no Código Civil, pero hai Comunidades Autónomas que teñen competencias para establecer as súas propias normas, parecidas ás do Código Civil. Galicia estableceu unhas poucas normas na súa Lei do Dereito Civil que están recurridas ao Constitucional. Estamos agardando a saber se son constitucionais ou non. De momento, estánse aplicando."

Melanie adoptou porque era eso o que sentía que debía facer. Tal e como afima Inmaculada Ferndez-Nespral, nai adoptiva e membro da Xunta Directiva de MANAIA (asociación galega de axuda á adopción) o que impulsa á xente a adoptar é "o desexo de ser pais, se ben o interese primordial que debe primar en toda adopción é o dereito dos menores a ter unha familia. Por tanto, a través da adopción podemos conciliar ambos desexos e intereses, e sen dúbida, lógrase a través deste marabilloso mundo da adopción."